Presentación en Couceiro, Santiago de Compostela. 02/03/2013

image

Esta mañá achegámonos até Comostela para presentar monicreques, fronte a libraría Couceiro, na rúa, na praza de cervantes. Xusto no intermedio dun músico co que chegamos ao acordo de que parara de tocar mentres irrumpíamos con poesía do libro, un ambiente para poucas florituras literarias, nin posibilidade de extenderse explicando nada do libro, Xabier Castro presentoume con telegráficas imaxes, e co mesmo ritmo púxenme a ler poemas do libro.
A poesía quere de explicar cousas, asi que fixemos lectura sobre as losas de Compostela, un dicir, aquí estamos resistindo no barullo e nas miradas da xente que paraba a escoitar un poema, e marchaba e viña outra xente. As única miradas fixas era as de Aurora e Sabela que me acompañaron dende Moaña e Ramón Blanco, Xabier Castro e os Couceiro, eles presenciaron o ritmo da ferruxe da praza, do mercado de libros, daquela muller que pasou diante miña e empañoume a tablet co bafo a cervexa, falando non sei que de Carrero Blanco, as monxas que prefiriron obserbar aos monicreques que o autofalante mecánico de explosión do poeta. Había sereas sen escamas producidas polo corpo derrubado dun yonqui contra unha porta dun comercio, os coches con pase especial para circular polo centro, Sabela que píaba por que falara do seu poema, e así Compostela tragou poema tras poema dos monicreques. Os libros queren berrar tamén, e para min hoxe foi a oportunidade de berrarlle a Compostela cousas bonitas, dende case o anonimato. Hoxe hai unha lousa na praza de cervantes que escoitou o meu poema e nunca marchará de alí.

image

image

About monicreques2011

Libro de poesía gañador da X edición do premio de poesía NGB.
Esta entrada foi publicada en presentacións.. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s